Tasabuik dalam pantun di bawah nan ko :
Kaluak paku kacang balimbiang
Tampurung lenggang lenggokan
Baok manurun ka Saruaso
Tanamlah siriah jo gagangnya
Anak dipangku kamanakan dibimbiang
Urang Kampuang dipatenggangkan
Tenggang nagari jan binaso
Tenggang sarato jo adatnyo
Panakiak pisau sirauik
Panungkek batang lintabuang
Salodang ambiak ka nyiru
Satitik jadikan lauik
Sakapa jadikan gunuang
Alam takambang jadikan guru
Karakau madang di hulu
Babuah babungo balun
Marantau bujang dahulu
Di rumah pangguno balun
Nan manjadi sabuik nan batando, lai ko lah kito jalankan amanah nan ko?
Sahinggo limbago adat nagari nan marupakan kumpulan urang ampek jinih ataupun tigo tungku sajarangan di nagari-nagari bisa ditagakan?
Adolah kewajiban satiok urang laki-laki di minangkabau untuak manaruihkan amanah nan ko, sabab indak hanyo kewajiban seorang pangulu, dek karano pangulu inyo ado sabab mufakat dek sakato kaum pulo, nan marupokan kumpulan urang laki-laki nan bariman jo baraka dalam kaum, suku jo nagari...!!
Tidak ada komentar:
Posting Komentar