Diambiak misa jo umpamo, hiduik di ateh dunia nangko, tigo zaman nan di lalui,,manolah zaman nan tigo.
Partamo zaman katitiran, Kaduo zaman kudo baban, Katigo zaman baruak tuo.
Katiko zaman katitiran :
Awak rancak pamenan urang, diam disangka nan baukia,
batirai bajambua-jambua, masak jujai pagi jo patang.
Kok makan di tapak tangan, kok minum di ujung kuku, jo dendang mako takalok.
Oh anak capeklah gadang, pambangkik bating tarandam,
panupang condong nak jan rabah, kurang kok lai kamanukuak.
Alah gadang anak mandeh kini, asok kumayan lai ndak pulang,
kain pandukuang tak taganti, kunun lah hutang ka nagari, tugas ka Allah tabangkalai,
isuak antah apo kajadinyo, tolong dek mandeh nan jo doa, salamat dunia jo akhirat.
Zaman katitiran, ikolah maso sadang kuek.
Kaduo zaman kudo baban :
Sauak ayia mandikan diri, barek ringan pikualah surang, Hari hujan kasiak badoroh, tarompah basi lapang pulo, tasabuik baranti kudo baban, makan di salo kakang basi, minum aia batinogan, makanan siso pagi tadi.
Jikok malengong kabalang, dihetong umua nan tapakai, tuo alun mudo talampau,
tapeklah kiniko masonyo, maso tanago sadang kuek.
Katigo zaman baruak tuo :
Tingga mahuni dangau buruak, gilo bamanuang samo surang.
Maso badan lai kuek, tak ado karambia ndak tapanjek.
Malompek ka batang suok. Mahambua ka batang kida,
asa indak bakaranggo basicucua,
lindang dek tangan kasadonyo, sanang hati urang nan punyo.
Tapi itu... dulu..,
kini manjadi buah ratok, jariah tabuang laleh sajo, kalau indak karano Allah dilakukan. Maharok baleh dari alam, iko karajo sio sio.
Samantaro wakatu masih ado, matohari alun tabanam, marilah samo kito pikia,
apo nan tugas sabonanyo.
Oleh: Yulfian Azrial, penulis buku Budaya Alam Minangkabau, Pemahaman Dasar Adat Minangkabau, Manjadi Pangulu, Batagak Gadang, dll, Kepala Balai Kajian, Konsultansi, dan Pemberdayaan (BKKP) Nagari Adat Alam Minangkau
Partamo zaman katitiran, Kaduo zaman kudo baban, Katigo zaman baruak tuo.
Katiko zaman katitiran :
Awak rancak pamenan urang, diam disangka nan baukia,
batirai bajambua-jambua, masak jujai pagi jo patang.
Kok makan di tapak tangan, kok minum di ujung kuku, jo dendang mako takalok.
Oh anak capeklah gadang, pambangkik bating tarandam,
panupang condong nak jan rabah, kurang kok lai kamanukuak.
Alah gadang anak mandeh kini, asok kumayan lai ndak pulang,
kain pandukuang tak taganti, kunun lah hutang ka nagari, tugas ka Allah tabangkalai,
isuak antah apo kajadinyo, tolong dek mandeh nan jo doa, salamat dunia jo akhirat.
Zaman katitiran, ikolah maso sadang kuek.
Kaduo zaman kudo baban :
Sauak ayia mandikan diri, barek ringan pikualah surang, Hari hujan kasiak badoroh, tarompah basi lapang pulo, tasabuik baranti kudo baban, makan di salo kakang basi, minum aia batinogan, makanan siso pagi tadi.
Jikok malengong kabalang, dihetong umua nan tapakai, tuo alun mudo talampau,
tapeklah kiniko masonyo, maso tanago sadang kuek.
Katigo zaman baruak tuo :Tingga mahuni dangau buruak, gilo bamanuang samo surang.
Maso badan lai kuek, tak ado karambia ndak tapanjek.
Malompek ka batang suok. Mahambua ka batang kida,
asa indak bakaranggo basicucua,
lindang dek tangan kasadonyo, sanang hati urang nan punyo.
Tapi itu... dulu..,
kini manjadi buah ratok, jariah tabuang laleh sajo, kalau indak karano Allah dilakukan. Maharok baleh dari alam, iko karajo sio sio.
Samantaro wakatu masih ado, matohari alun tabanam, marilah samo kito pikia,
apo nan tugas sabonanyo.
Oleh: Yulfian Azrial, penulis buku Budaya Alam Minangkabau, Pemahaman Dasar Adat Minangkabau, Manjadi Pangulu, Batagak Gadang, dll, Kepala Balai Kajian, Konsultansi, dan Pemberdayaan (BKKP) Nagari Adat Alam Minangkau
Tidak ada komentar:
Posting Komentar