PADANG PATORO'AN

Mandanga kato Padang Patoro'an mungkin tabayang hamparan nan laweh nan hijau jo pepohonan Tarok.
tapi Padang Patoro'an ko namo dusun.
Tapek nye di bagian ujuang Jorong Kubang Tungkek.

    Ado istilah bahaso kampuang manunjuakan arah mato angin, Mudiak, Iie, Lobuah jo Mungka.
Muduak aratie Barat, Ilie arati e Timur, Lobuah atarinyo Utara jo Mungka aratinyo Selatan.
Nah Di Ilia ko lah lataknye Padang Patoro'an.
Urang Guguak, urang Tiaka jo Mungka mungkin lai tau jo Padang Patoro'an ko, tapi alun tantu urang Donguang-donguang lai atau urang Taeh..
“apo tu Padang Patoro'an dan dima te tampek nyo''...?

   Padang Patoro'an ko secaro geografis talatak di Mudiak dari Dusun Congkeh Jorong Guguak.
Padang Patoro'an ko di Ilia nye Lokasi sikola SMA Nagari 1 Guguak. Sabonanyo Padang Patoro'an ko bukanlah padang nan laweh atau tanah lapang nan laweh jo Tampek Tumbuah batang Tarok nan banyak.
Tapi antah baa kok tasabuik dusun ko Padang Patoro'an.
Ado urang mangecekan dulu banyak Tarok Tumbuah disiko.
Tapi kok dicaliak bana disinan cuma 3 batang Pohon Tarok tu nyo.
Memang sabananyo iko daerah parak, parak karambie, parak pisang, parak Jaguang, parak kopi coklat dan bamacam macam tanaman takah biaso parak parak di nagari Guguak VIII Koto dan sekitarnyo.

    Tapi bukanlah padang nan Banyak Batang Taroknyo...
Tapi kini Padang Patoro'an ko lah barubah, dulu jalannyo masih banyak balubang jo balumpua, Kini lah bagonti jo Aspal, walaupun aspal seadonyo.
Dulu banyak Somaknyo, tapi kini lah basomak dek kandang ayam nan luar biaso baunyo..

    Dulu masih banyak acara di Suraunyo..kini lah rami lapau tampek bamain koa sajo..
Dulu banyak nan bisa di jadikan Urang tuo pabimbiang anak mudo, Kini tingga pareman tangguang nan bagak di kampuang sajo..
Dulu masih banyak nan Sakola sampai SMA/STM/MA, Kini sakola SD pun dak tamaik do..

    Dulu masih banyak nan takuik ka mamak nyo, Kini lah bamandan nyo baduo di labuhan Koa..
Dulu rami nan pai Pendidikan subuah,Kini lah rami pai mangaia ka danau buatan..
dulu Rami anak mangaji Kasurau..
kini lah baraliah surau tu ka Warnet di Lobuah...

    Antahlah..
Padang Patoro'an Nan Den Cinto..